Filing Talla

Filing Talla Ga Mai Bukata Sai Ya Tuntube Mu

Iran Da Tarayyar Turai Sun Tattauna Hanyoyin Kare Yarjejeniyar Nukiliya



Ministan harkokin wajen Iran, Muhammad Jawad Azrif tare da wakiliyar tarayyar turai akan harkokin waje da kuma tsaro. 

Federica Mogherini sun yi bitar hanyoyin da za a aiki da su domin kare yarjejeniyar Nukiliyar da aka fi sani da (JCPA) a takaice.
Bangarorin biyu sun yi ganawa ne a bayan taron babban zauren Majalisar Dinkin Duniya karo na 74 da ake yi a birnin New York. 

Wannan taron ya zo ne jim kadan da wasu kasashen turai suka fitar da sanarwa suna masu yin kira da a sake kulla wata sabuwar yarjejeniyar wacce za ta kunshi batun Nukiliya da kuma na tsaro a yankin gabas ta tsakiya.

Iran ta mayar da martani da cewa; Babu batun kulla wata sabuwar yarjejeniya gabanin a yi aiki da dukkanin ka’idojin da wacce ake da ita a yanzu ta kunsa.
A gobe Laraba ne dai shugaban kasar Iran da ministan harkokin waje, Muhammad Jawad Zarif za su gabatar da jawabi a gaban babban zauren Majalisar Dinkin Duniya

Post a Comment

0 Comments

Close Menu